روايه غرام الليل
الفصل الثاني عشر من الجزء الثاني 1
فى المستشفى
الدكتور كشف على هنا وعملها تحاليل مستعجل والدكتور شاف التحاليل وسامر قال .سامر : خير يا دكتور .
هنا بصت لسامر وسامر مسك اديها عشان يطمنها والدكتور حط التقرير على المكتب وخلع النضاره وقال .
الدكتور : كان نفسي اطمنكم بس للاسف انتوا الاتنين مينفعش.
هنا بتوتر : قصدك ايه يا دكتور
الدكتور : يعنى مينفعش .
سامر : ايوه هو ايه اللى مينفعش .
الدكتور ابتسم ابتسامه صفره وقال: يعنى انتوا الاتنين مع بعض مينفعش .
هنا بصت لسامر وسامر قال : ممكن حضرتك توضح.
الدكتور : بصوا انا مش عايز اقلقكم بس كله بيد الله طبعاً وعلى حسب التحاليل اللى قدامى .... الدكتور ضحك وبابتسامه صفره وقال : مينفعش.... ههههههه .
سامر بعصبية: هو ايه اللى احنا الاتنين مينفعش مينفعش مينفعش ....... اييييييييه علقت .... متنجز يا دكتور .
الدكتور : بص انا مش عايز اقلقكم .
سامر : واضح .
الدكتور بضحك : بس مينفعش ...... هههههه
سامر غمض عيونه بفلت صبر وبصله بغضب وبعدين قال الدكتور: أهدى .... كل الحكايه أن لو هى اتجوزت واحد غيرك هتخلف ولو انت اتجوزت واحده غيرها هتخلف ....... أما انتوا الاتنين مع بعض مينفعش.
هنا : يعنى ايه الكلام دا .
الدكتور: بصوا انا مش عايز اقلقكم ..... بس علمياً وفى الحالات اللى زى دى نسبة احتمالها 1% يعنى مينفعش ههههههههه .
سامر قام وقال : شكراً لسيتك .... وبعدين بص على هنا ودموعه محبوسه وقال : يلا يا هنا .
سامر مسك اديها عشان تقوم وهنا مصدومه من اللى سمعته.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا الفيشاوى .
ليل فضلها شهرين وتولد والكل بيهتم بيها .
ليل كانت قاعده فى الرسيبشن وبعدين مراد دخل عليها وكان جايب شنط كتير معاه راح قاعد جنبها وحط الشنط جنبه وقال .
مراد بابتسامه: جبت شويه حاجات لبنتنا جميله يا ليل..... استنى هفرجك عليهم
ليل بفرحه واهتمام : بجد ورينى .
مراد بداء يطلع الحاجات من الشنط ويفرجهم لليل والحاجات طبعا عباره عن هدوم وسلوبتيات على كام جزمه ولكلوك على كام لعبه وكده ..... وليل عجبتها اوى الحاجات اللى مراد جبها كلها . ..... وهما قاعدين ساره دخلت عليهم بكوباية عصير مانجو وهى بتغنى يخواتى بحبها دى حبيبت امها ...... ساره فضلت تغنى لحد ما وصلت لعند ليل وادتلها كوباية العصير وقالت بفرحه : امسكى كوباية العصير دى عيزاكى تشربيها كلها عايزه حفدتى لما تنزل تكون بخدود وافضل الاعب فيهم .
ليل جدت منها الكوبايه وقالت بابتسامه : حاضر .
وبعدين كارما وندى دخلو وكانوا جايبين هدايا للطفله اللى جايه .
كارما : حبينا نكون اول اتنين يهدوكى ويجيبوا حاجات زى القمر لاميرة العيله اللى جايه .
ندى لحظة الحاجات اللي جبها مراد راحت وقفت جنبه وقالت بستخقاف : اول ناس ايه بقا ...... شكله مراد سبق واكل النبق كله ههههههههه .
الكل ضحك على طريقة كلام ندى
وهما قاعدين سيف دخل وكان بيزق فى سرير اطفال جايبه وكان بعجل .......وكان بيزق فيه بسرعه لحد ما وصل لعند مراد وليل وهو بيقول .
سيف بستعجال: وسع وسع وسع وساااااع .
مراد: حيلك حيلك ...... اييييه براحه .
سيف وقف السرير قدام مراد وليل وبعدين قاعد على كرسي وحط رجل على رجل وقال باستخفاف : هااااا شو رأيكم .
ليل : شكراً ياسيف والله تحفه .
سيف بص على ندى وكارما وقال بتكبر : مش قولتلكم زوقى فى الهدايا احلى ...... بلا فخر اجمل هديه على الاطلاق.
مراد : اممممممممم ...... انتوا متفقين بقا ...... وانا اقول مش معقول انتوا التلاته تجيبوا هدايا فى نفس اليوم .
سيف ضحك وقال : ههههههههههه قصدك احنا الاربعه .
وبعدين ندى وكارما قالو مع بعض : امممممممممم
مراد بلع ريق وبص لليل وقال : احم .... هو احنا يعنى ... كنا ... يعنى متفقين نشوف مين زوقو احلى فى الهدايا وكده ..... بس اكيد زوقى انا احلى صح .
سيف : ايييه ... حيلك حيلك يابا .... ليل لسه قايله انى زوقى تحفه ...... وبعدين بص لليل وقال : مش كده يا لولو .
مراد ببحلقه بص لليل وقال : لولو .
ليل حبة تغيز مراد اكتر راحت قالت : احلى هديه دى ولا ايه .
وبعدين مراد بص على سيف راح سيف ظاط فيها اكتر راح قال : احلى لولو دى ولا ايه .
راح مراد قام ووقف ورا سيف وضربه بالقفه وقال : احلى قفه دا ولا ايه ..
الكل ضحك على طريقة مراد وكلامه وهما قاعدين هنا وسامر دخله ..... هنا شافت الكل جايب هدايا لليل عشان حملها وبعدين بصت لسامر والدموع فى عيونها ... راحت بعدين طلعت تجرى على اوضتها ....... الكل خد باله راحت ليل بصت وقال : هنااا .
سامر راح وقاعد جنبهم وحط ايديه الاتنين على راسه.
ساره : مالها هنا يا حبيبى ... في ايه .
مراد : فى ايه يا سامر احكى .
سامر شال أيده من رأسه وقال : كنا عند الدكتور .
ليل : دكتور ........ ليه ولمين ...... هى هنا كويسه .
سامر : دكتور نسا وولاده ..... عشان نشوف ليه لحد دلوقتى مخلفناش.
ساره : والدكتور قال ايه .
سامر : قال إن انا وهنا مستحيل نخلف.
الكل وشه قلب ميت لون وبعدين مراد قال : ايه دا ...... اكيد لاء .... مفيش حاجه بعيده عن ربنا .... وبعدين انتوا ملكمش سنه متجوزين .... ليه بدوروا على. الموضوع دا من دلوقتى.
سامر : كنا حبين نطمن .... والحمد لله اطمنا .
ساره : ما ممكن يكون الدكتور غلطان ..... بكره ابقوا روحوا لواحد تانى وان شاء الله خير .
سامر : ونعمه بالله .
تعليقات
إرسال تعليق