روايه غرام الليل
الفصل الحادي عشر الجزء الثاني 2
فى القسم.
فى النيابه ... مراد وخالد كانوا قاعدين وادهم باشا هو و المحامى ويوسف كان العسكرى مكلبشو وواقف جنبه ..... مراد أدى للمحقق الفلاش فى الفيديو اللى خالد صور فيه اعترافات يوسف وقال.مراد : و دا الدليل .
المحقق خد الفلاش وشغله على الاب توب وكله اللى موجودين شافوا الفيديو وبكده الكل اتاكد أن يوسف هو ورا كل حاجه .
يوسف: اكيد الفيديو دا مفبرك .
مراد ابتسم وقال: الفيديو دا اللى صورو خالد واحد من رجالتى وانا اللى كنت بعتو يراقب يوسف وهو غفله وصورو ......... وبعدين مراد حط رجل على رجل وقال بابتسامه : والقانون لا يحمى المغفالون
المحقق : كده كل الأدلة تثبت أن يوسف هو ورا كل حاجه يا استاذ ادهم ولو فى اى حاجه عايزين تقولوها ابقوا قولوها فى الجلسة.
ادهم قام وراح لعند يوسف وقال بغضب : افتكر كده يابن اخويا أنى عملت معاك الواجب واكتر كمان
يوسف : قصدك ايه يا عمى .
ادهم : عمك !.. دلوقتى عمك .... انت خليت سمعت العيله فى الارض ...... ومش هقدر اعملك حاجه غير انى ارفعلك محامى.
ادهم قال الجمله وسابه وخرج من المكتب وبعدين مراد قرب لعنده وبصله وابتسم ومشي وخرج هو كمان من القسم كله .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد مرور شهرين.
يوسف خد مؤبد وحاليا هو فى السجن و ادهم وهند عرفوا أن شاهى حامل من يوسف وخلوها عاشه معاهم فى الفيلا وادهم باشا قرر أن يعيش في القاهره ونقل كل شغله فى القاهرة و عيله الفيشاوي عاشة فى سعادة وسلام من بعد دخول يوسف السجن .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى غرفة سامر وهنا.
هنا كانت واقفه على مراية التسريحه وماسكه مخده صغيره وبتحطها على بطنها وبتتأمل نفسها لما هتكون حامل وفى اللحظه دى سامر دخل عليها وهى أول محست بيه حطت المخده بسرعه على السرير وقاعدة ...... سامر حس أن فى حاجه فقرب لعندها وقاعد جنبها ومسك اديها وقال.
سامر : مالك يا حبيبتى في ايه
هنا : لا عادي.
سامر بتأكيد: اكيد
هنا بتوتر : اه .... لاء .... بص بصراحه انا عايزه......
سامر: قولى اللى بتتمنى.
هنا : نفسي في بيبى .
سامر : باذن الله تعالى ربنا يرزقنا قريب ببنوته تكون قمر زيك.
هنا : بس احنا لينا كذا شهر متجوزين ومفيش حاجه لحد دلوقتى.
سامر : كله بايد ربنا سبحانه وتعالى مفيش بادينا حاجه نعملها غير أننا نصبر واكيد ربنا هيجبر بخاطرنا.
هنا : ونعمه بالله ....... بس ممكن اطلب منك طلب.
سامر : اكيد.
هنا برجاء: تعالى نروح لدكتور عايزه اطمن.
سامر : حاضر ...... النهارده بعد ما ارجع من الشركه هخدك ونروح لدكتور سوا عشان تطمنى ....... كده حلو .. ابتسمى بقا .
هنا ابتسمت وحضنته بحب وقالت : شكراً انك فى حياتى .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى غرفة مراد وليل .
مراد كان فى الحمام بياخد شاور وليل قامت من على السرير عشان تروح تاخد الدوا من على الكوميدينه ... خدت العلاج وجات ترجع على السرير حست نفسها انها عايزه تستفرغ وفضلت تعولج وقاعدة على السرير ....... مراد خرج من الحمام وكان لابس برنوس وشافها وهى بتعولج وجرى لعندها بالهفه وقال .
مراد بلهفه : مالك يا ليل فى ايه مالك .
ليل وهى بتعولج : مش عارفه ... حاسه انى عايزه ارجع .
مراد بستعجال : طب انا هروح اجبلك لمونه بسرعه ........ مراد كان رايح نحيت الباب بستعجال بس ليل وقفته وقال : مراد ...... لا خليك معايا متروحش .
مراد وقف وفضل يبص حواليه ومش عارف يعمل ايه وبعدين راح قاعد جنبها ووحضنها نحيت صدرو وقال : خدى نفس طويل ..... خدى نفس أعلى أعلى ياليل .
ليل بتاخد نفس زي ما بيقولها ومراد مكمل كلامه وبسرعه وبيحرك أيده من فوق لتحت ويقول : أعلى أعلى ياليل .... خدى نفس أعلى أعلى .
ليل حست براحه وبعدت من على صدر مراد ومراد لسه منتمج ومكمل ومغمض عينه : اعلى أعلى .... خدى نفس عميق أعلى أعلى .
ليل بابتسامه : الحمد لله .
مراد كان لسه مكمل بس بعد ما سمع صوتها سكت وفتح عيونو وبص على صدرو اول حاجه وبعدين بص عليها وعدل نفسه بحراج وقال : اصل ... انو .... انا كنت مستحمى بشاور برائحت الليمون ف عشان كده كنت .....
ليل بصت عليه وكانت منتمجه معاه وبعدين فضلت تضحك على شكله وطريقته .... ومراد لما لقيها بتضحك فضل يضحك هو كمان وهما الاتنين فضلوا يضحكوا ضحك هستريا .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى المستشفى
الدكتور كشف على هنا وعملها تحاليل مستعجل والدكتور شاف التحاليل وسامر قال .
سامر : خير يا دكتور .
هنا بصت لسامر وسامر مسك اديها عشان يطمنها والدكتور حط التقرير على المكتب وخلع النضاره وقال .
الدكتور : كان نفسي اطمنكم بسسسس ...........
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهى الفصل الحادي عشر من الجزء الثاني ❤
بقلم نسمه أحمد ❤✨
يا ترا الدكتور هيقول ايه لسامر وهنا ؟
تعليقات
إرسال تعليق