روايه غرام الليل
الفصل الثاني عشر من الجزء الثاني 2
بعد مرور أيام وفى غرفة هنا .هنا كانت قاعده على السرير وبتبكى وليل دخلت عليها وقاعدة جنبها وقالت .
ليل : الدكتور قال برضه نفس الكلام.
هنا هزت راسها بالايجاب وبعدين حضنت ليل وفضلت تبكى بصوت عالى .
ليل: خير خير حبيبتي كلها أمور بيد الله استبشرى خير .
هنا بعدت وقالت وهى بتبكى : بس انا كان نفسي ابقى ام لبيه......!
ليل قطعتها وقالت : اوعى تقولى ليه يا هنا .... ربك لا يعطى اصعب المعارك إلا لاقوى الجنود ..... خليكى قويه كما شيفك الله و اوعى تضعفى ... لعله خير.
هنا ببكاء : يارب .
فى المساء .
هنا كانت قاعده مستنيا سامر بفارغ الصبر لحد ما جه واول ما جه مسكته من أيده وقالتله : تعالى عايزه احكى معاك فى موضوع.
سامر قاعد جنبها وقال : سمعك قولى .
هنا : بص هو انا مش عارفه هتوافق ولا لاء بس عشان خاطري وافق لانى مش هقدر اعيش كده .
سامر : أهدى يا هنا .... قوليلى وربنا يقدم اللى فيه الخير.
هنا بتوتر: تعالى نتبنه طفل من الملجأ .
سامر بستغراب: ملجأ .
هنا ببكاء : ونبى يا سامر مترفض انا ممكن اموت لو عشت كده عايزه احس بالأمومة ابوس ايدك.
سامر : أهدى يا بنتى ..... انا مش عارفه بس..
هنا : عشان خاطرى وافق .
سامر : نفترض وافقت ....... بابا مستحيل يوافق ..... بابا كل اللى بيفرق معاه العيله والسمعه والنسب والعرق ..... يعنى مستحيل يوافق فهمانى .
هنا: هنقنعو ...... انا وانت هنقنعه بس وافق انت وان شاء الله نقدر نقنعه .
سامر : انا عن نفسي موافق .
هنا غمضت عيونها بتأمل وبعدين حضنت سامر وقالتله : شكراً.
سامر ملس على شعرها وقال : أهدى ... أهدى
،،،،،،،،،،،،،,,,,,,,،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى صباح وفى مكتب عز .
عز كانت قاعد على المكتب بيخلص شوية ورق قبل ما يروح الشركه وهنا وسامر دخله وسامر قال .
سامر : فاضى حضرتك .
عز : تعالو انا خلاص خلصت.
سامر وهنا قاعده فى الكراسى اللى قدامه.
سامر : كنا عايزين حضرتك فى موضوع.
عز : احكوا .
سامر بص لهنا وقال : كنااااا .... يعنى ... بص حضرتك عارف أننا مستحيل نخلف صح .
عز : اها ... ودا طبعا قدر ربنا محدش يقدر يقول حاجه عليه .
سامر : الحمد لله على كل حال .... بس احنا كنا عايزين نتبنا طفل.
عز سمع الجمله وسكت فجأة وبيفكر فى الكلمه اللى قالها سامر وهنا وسامر بصوا لبعض بتوتر وبعدين عز قال ......
عز:...............
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهى البارت الثاني عشر من الجزء الثاني ❤
بقلم نسمه أحمد ❤✨
يا تارا ايه ردت فعل عز وهل هيوافق ولا لاء .؟
تعليقات
إرسال تعليق