روايه غرام الليل
الفصل التاسع من الجزء الثاني
مراد خد الولاعه ومسك الولاعه بايد والشيكين فى الايد التانيه وولع فيهم وادهم بصله بغضب ومراد قام ورما الشيكين على الترابيزه قدامه وقال : شكلك كده مسمعتش عن شركات الفيشاوى وشركة Mv للمعمار ومين انا ....... جرب بس وابحث عن اسمى ...... مراد الفيشاوي هتعرف مين انا كويس وممكن اعمل ايه ....... ولو فاكر انك ممكن ترشينى بمبلغ اهبل زى ده تبقى عبيط .الرجاله كانوا هيقربوا من مراد بس ادهم شاورلهم ومراد كمل كلامه : حظر ابن اخوك .....لو قرب من مراتى او اى حد من علتى مش هيكفينى فى رقابته ...... بتمنا تكون وصلت يا استاذ ادهم السيوفي.
مراد قال جملته ومشى من المطعم كله وركب العربيه ومشى.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى القسم الشرطه .
يوسف راح زياره لمهاب ومهاب لما دخل غرفة الزيارات وشاف يوسف بص بستغراب وقال : انت .
يوسف قرب لعند مهاب وقال : كنت اكيد متواقع أن بعد ما اخرج من هنا مش هسأل عليك وان هنسي البونيه اللى ضربتهالى يا أخووووويا.......... يوسف قال جملته وضربه بالبوكس فى وشه ومهاب بصله بغضب وقال بعصبية: يا زبااااله .....
يوسف قطعه وقال : أهدى أهدى .... على نفسك ..... كنت فاكر ايه هههههههههههه انت اغبا انسان اشوفه فى حياتى كلها ههههههههههه احب افهمك أن انا مش هخلص على مراد بس ..... تؤ تؤ ده حتى يكون عيبه فى حقى ...... انا هخلص من عيلة الفيشااااااااوى كلها وأولهم حبيبت قلبك ندووووود هههههههههههه هههههههههههه .
مهاب قال بعصبية : ده ماكنش اتفقنا.
يوسف بضحك : ههههههه ومن امتا انا بتفق مع عيال صغياره ........ استنا بس عمى يمشى ويسافر ايطاليا تانى وهتسمع خبر علتك واحد واحد هههههه ههههههههه هههههههههه .
مهاب بعصبية وهو بيقرب منه وضربه بالبوكس وهو بيقول : اه يا حقير يا زباله ....... يوسف ردله البوكس ومهاب ضرب تانى يوسف فى وشه والعساكر سمعوا صوت من الغرفة دخلوا اتنين ومسكوا مهاب من يوسف بالعافية ويوسف قام وراح لعنده وقال : بقى ايدك اتجرأت واتمدد عليا تانى يا مهاب.
مهاب تف فى وشه وقال: اقل حاجه ممكن اقدمها لزباله اللى زيك .
يوسف مسح وشه باديه وقال :بكره هتتفع التمن اللى انت عاملته غالى اوى .
يوسف قال جملته ومشى والعساكر خدوا مهاب على الزنزانة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت شريف .
شريف وليل وكاميليا كانوا قاعدين على أعصابهم مستنيين مراد وهما وقاعدين باب البيت خبط ليل قالت : ده اكيد مراد ........... ليل قامت بسرعه عشان تفتح وفتحت وكان فعلا مراد اول ما شفته حضنته وقالت بدموع محبوسه: الحمدلله انك بخير ..... كنت هموت من قلقي عليك .
مراد ابتسملها وشريف قال: عاملت ايه يا مراد .
مراد راح وقاعد على الكرسي وقال : قابلة عم يوسف .
كاميليا: وقالك ايه .
مراد حكالهم اللى حصل .
شريف : ايه الناس دى انا مش فاهم ازاى قادر يقف معاه فى الغلط
مراد : اللى زيهم ما بيفرقش معاهم غلط ولا صح اهم حاجه رغباتهم.
ليل : يعنى ملقتش حل لموضوع يوسف .
مراد : لاء ...... هو حاليا في نظر القانون باريق يعنى مفيش اى دليل عليه ....... وكل اللى اقدر اعمله انى افتح عيوني عليه كويس اوى وقبل ما يعمل خطوه هكون انا سبقه بألف خطوه .
ليل : انا قلقانه اوى ....... حسه أن الموضوع ده مش هيعدى على خير .
مراد مسك اديها وقال: تأكدي يا ليل مدام انا عايش هفضل احميكى من اى خطر حتى لو هفديكى بروحى .
بعد صلاة الفجر .
مراد صلى الفجر وراح ووقف على البلاكونه وكان واقف سرحان وفجأة ليل جات وقالت : لسه صاحى.
مراد : مش جينى نوم
ليل : قلقان
مراد ابتسملها وقال : بصراحه اه ..... خايف لانام ..... الاقى نفسى بقيت لواحدى تانى .
ليل مسكت ايده وقالت: احنا أرواحنا واحده ........ لا نعيش مع بعض لا نموت مع بعض .......... ليل قالت جملتها وبعدين حضنت مراد وقالت : بحبك يا مراد .
وهما واقفين شريف شافهم وراح لعندهم وقال : احم احم .
ليل بعدت عن مراد وشريف قال : روحى على اوضك ياليل ..... عاوز اتكلم مع مراد شويه .
ليل : حاضر يا بابا ....... ليل مشيت ودخلت غرفته وشريف ابتسم و قال وهو باصص على غرفة ليل : ليل دى غريبه اوى
مراد فى سيره: هتجيبو من بعض.
شريف: هاااا قولت حاجه .
مراد ابتسم وقال : لا يا عم سلامتك.
شريف : المهم ...... بعد اللى حصل النهارده أتأكد مهما حصل بينك وبين ليل مستحيل انك تتخلى عنها ...... وعشان كده حابب اعتزر منك على اللى حصل منى الفاتره دى .
مراد فضل يبص ورا يمين وشمال وبعدين قال : بتكلمنى انا .
شريف: هو فى غير انا وانت هنا .
مراد بهزار : لحظه بس نستوعب ...... يعنى انت ياعمى بتعتزر منى انا .
شريف : اممممم طب نبقى نكمل كلامنا الصبح يكون انت استوعبت ........ شريف كان هيمشى ومراد وقفه بسرعه ومسكه من ايده وقال : لا لا لا ........ خلاص استوعبت استوعبت .
شريف : ايوه كده اتعدل .
مراد بستخفاف طلع مذكرة صغيره وقلم من جيب البنطلون وكتب في المذكره وهو بيقول : اليوم الموافق 16 اغسطس 2022 يعتزر الاستاذ العظيم شريف طه من جوز بنته البارد الفريزر السخيف ..... مراد وقف كتابه وقفل المذكرة وشريف قال.
شريف: هااااا خلاصت .
مراد بستخفاف : تقريباً
شريف ابتسم وقال: المهم ...... انا معنديش مانع انك تاخد ليل معاك من بكره لو حابب .
مراد من غير ما يركز اوى على الكلام فتح المذكره وبدأ يكتب فيها وهو بيقول : ومعندهوش مانع اخد ليل معايا بكره فى ........... مراد استوعب الكلام وبحلق وقال : قولت اييييه.
شريف: ايه مش حابب ..... لو مش حابب خلاص ....... شريف كان هيمشى تانى بس مراد لحقه ومسكه من أيده وقال بفرحا: مش حابب ده ايه .......... مراد باس شريف من خده وهو بيقول : ياحبيبى يا عمى .
شريف ضحك على طريقته وقال : عشان تعرف بس ..... انى انا قلبى طيب .
مراد : يسلملى قلبك الطيب يا راجل يا طيب .
شريف : بتمنا يا مراد تفضل دايما جنب ليل ومتزعلهاش مهما حصل.
مراد : متقلقش يا عمى ليل دى فى عيونى.
وهما بيتكلموا تليفون مراد رن وطلعه من جيبه وقال بستغراب: المقدم عادل.
شريف بص على الساعه اللى فى اديه وقال : وايه اللى هيخليه يتصل دلوقتى.
مراد : مش عارف........ مراد فتح وقال : الو .
:_ .........................
مراد وشه قلب وقال : اييييييه ....... انا جاى حالا.
مراد قفل مع المقدم عادل وشريف قال : فى ايه يا مراد .
مراد بستعجال : اسف ياعمى ..... لازم امشى دلوقتى ........ مراد راح غرفة الانتريه بسرعه عشان يغير وبعدين خرج من البيت وليل سمعت صوت الباب خرجت وقالت : مراد راح فين دلوقتي يابابا .
شريف : المقدم عادل اتصل بيه ومعرفش قاله ايه خلاه يطلع مستعجل كده .
ليل بقلق: انا رايحة لعنده.
شريف : لاء طبعا انتى حياتك بخطر .....ولا انا كمان اقدر اروح معاه لازم اكون معاكم هنا .
ليل : امال هنسيب مراد لواحده .
شريف : استنى هتصل بسامر يروح هو .
شريف طلع فونه واتصل بسامر .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى قسم الشرطة.
مراد وصل القسم ونزل من العربيه بسرعه ودخل القسم وراح بسرعه على زنزانة مهاب وكان على باب الزنزانة عساكر كتير والمقدم عادل ومراد زقهم عشان يقدر يدخل الزنزانة ولما دخل وشاف ايه اللى حصل وشه قلب وجاب مية لون ............... وااااااااااااااااا ...... بكره نكمل 🤫❤.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهى الفصل التاسع من الجزء الثاني
بقلم نسمه أحمد
يا ترا ايه اللى حصل لمهاب ؟
تعليقات
إرسال تعليق