روايه غرام الليل
الفصل التاسع من الجزء الثاني
مهاب معندهوش اى طاقه أن بتخانق مع مراد بعد اللى قالتهوله ندى ومراد قومه وقال بصوت عالى : عاملنالك ايييييييييه عشان تعمل فى أهلك كده ....... انت ايه ........ شيطااااااانمراد مسكه من لياقت القميص ومهاب قال : كل اللى حصل بسببك ...... مهاب عالى صوته اكتر وقال : كل اللى حصلى واللى بيحصلى بسببك انت ...... ندى طلبا منى الطلاق وده ليه عشانك ......... وانا النهارده هنا بردو بسببك .
مراد زقه وقال : كل اللى بيحصلك ده بسبب تصرفاتك الغلط ....... انا وانت بيجرى فى عروقنا نفس الدم ....... ومن رغم أننا ولاد عم ..... عاوز تقتلنى بسبب غلك وحقدك من نحيتى ....... وخرجت يوسف عشان يخلص عليا ..... يعنى عرض حيات اهلك كلهم للخطر عشان تخلص منى ..... انت فاكر أن يوسف هيسأل فيك تانى بعد ما خرجته ..... تبقى بتحلم .... هو خلاص وصل للى هو عاوزه ..... ودلوقتي هو عاوز ينتقم مننا كلنا ..... فاااااااهم ...... عاوز ينهى اسم عيلة الفيشاوي دى نهائى من حياه .
مهاب بصله وقال بحقد : هو عاوز بس يخلص منك وده اللى انا بتمناه .
مراد بعصبية : خرجت يوسف وعاملت كل ده عشان تخلص منى مش كده ...... مهاب ماردش ومراد قال بصوت عالى: صحححححح .
مراد طلع مسدس كان حطه فى حزام البنطلون بتاعه ومسكو لمهاب باديه وحط المسدس على راسه وقال : اضرب .........اضرب وخلينا نخلاص الحكايه دى من أساسها ....... يلاااااااااا .
مهاب مصوب المسدس على راس مراد وابتسم وليل وكاميليا وصلوا فى اللحظه دى وليل بصت بخوف وبرقت وجه مهاب يضرب الرصاص....... ليل جريت نحيتهم وقالت بخوف : بتعمل ايه يا مهاب انت اتجننت.
المقدم عادل: نزل المسدس ده .
مراد قال بصوت عالى: محدش يداخل ....... وبعدين بص لمهاب وقال : مستنى ايه .... ما تقتلنى ....... اقتلنى يا ابن عمى ..... اضررررب .
مهاب لسه مصوب المسدس على راس مراد وجه يضرب افتكر كلام ندى لي لما طلبت منه الطلاق ولما قالت انت مجرم وان كان لازم تتوقع اى حاجه من واحد مجرم زيه ...... مهاب فضلت تدردد كلمة مجرم فى دماغه ....... وبعدين مهاب ضرب الرصاصه فى السقف ومراد بصله وقال بستهزاء : شوفت بقى انك أضعف من انك تقتل نمله .
مهاب قاعد على الأرض ورما المسدس من أيده وقال بضموع محبوسه : انا مش ضعيف ...... انا مش مجرم ...... انا زهقت ...... انا مش عاوز حاجه ..... سبونى فى حالى .
مراد : هنسيبك فى حالك ...... بس أكدلك انك هتعيش طول عمرك فى السجن .
مهاب بصله وقال : وانا ما بقتش محتاج حاجه عشان أخرج عشنها ........ مفيش حد يستاهل أخرج عشانه ولا حتى ندى .
مراد سمع كلامه وخرج من الزنزانة وشريف وليل والمقدم عادل وكاميليا خرجوا وراه .وخرجوا بره القسم خالص ووركبوا عربيه مراد ....... مراد مشى بالعربية بسرعه مخيفه ..... مراد وقف بالعربيه قدام بيت شريف وقال : انزلوا.
ليل بصتله بستغراب وقالت : وانت مش هتنزل معانا .
مراد : فى حاجه مهما لازم اعملها الاول .
ليل : هتقابل يوسف .
مراد سكت وليل فهمت من تعبير وشه أن هيروح يقابله وقالت : انت ناسى اخر مره لما روحت تقابله ايه اللى حصل ......... انا يستحيل اخليك تروح لواحدك .
مراد بعصبية: لو سمحتى ياليل ...... انا مش طفل صغير لازم يكون معايا حارس ........ وبعدين زى مانا حياتى بخطر انتى كمان حياتك بخطر ولازم اتحرك بسرعة واعمل حاجه قبل ما الخطر يقرب علينا ........ فالو سمحتى انزلى وخلينى انا اعرف اتصرف .
ليل دموعها نزلت وكانت هتكلم بس شريف قطعها وقال: مراد عنده حق ياحبيبتي...... متقلقيش عليه مراد قدها وقدوت.
ليل : ماشى ........ اوعدنى انك المره دى هتخلى بالك من نفسك وتعمل المستحيل عشان ترجعلى .
مراد ابتسم وقال: اوعدك .
ليل وكاميليا وشريف نزلوا من العربيه ومراد مشى .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا يوسف.
مراد راح فيلا يوسف وكان بيخبط فى الباب زى المجنون وبكل عصبية ...... شاهى وهند هما اللى كانوا قاعدين واتخضوا من رزع الباب وشاهى راحت تفتح الباب ومراد زق الباب بكل عصبيه ودخل وقال بعصبية: يووووووسف ...... يووووووسف .
مدام هند : مين انت ...... فى حد يدخل بيوت الناس كده .
مراد : يوسف فين .
شاهى: راح الشركه من الصبح يا استاذ مراد .
مدام هند بستغراب: هو ده مراد .
مراد بصلها والغضب كله في عيونو وقرب منها : مين ما كنتى تكونى ...... يوسف لو كان تحت الأرض لاهخلي يرجع السجن تانى .
مدام هند: اسمعني يابنى ....... يوسف أتغير وهو فعلا حابب يبدأ حياه جديده ....... صداقنى هو وعدنى بكده.
مراد بضحك سخرية: هههههههه يوسف أتغير ... يوسف لو اخر واحد فى البشرية مستحيل يتغير ...... يوسف الحقد والغل فى دمو ....... وفهمى الشخص اللى متشددله ...... أن مراد الفيشاوي مش بيتلويله دراع ومدام هو خارج يوسف يبقى يتحمل بقى مسؤولية اللى هيحصل.
مراد قال جملته ومشى من الفيلا ...... شاهى قربت من هند وقالت : هنعمل ايه دلوقتي ..... مراد شكله مش ناوى على خير .
مدام هند : انا لازم اتصل بأدهم .......هند قامت وراحت للتليفون الأرضى ورفعت السماعه واتصلت على مكتب ادهم . وقالت : الو يا ادهم .
ادهم : فى ايه مال صوتك .
مدام هند: مراد الفيشاوي جه وشكله ناوى على شر .
ادهم : متقلقيش انا هتصرف.
مدام هند: ناوى تعمل ايه ريح قلبى .
ادهم : هقولك لما اجى .
،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مراد كان بيسوق العربيه ورايح على شركة عمه وحد اتصل عليه ومراد فتح وقال : الو .
:_ مراد الفيشاوي.
مراد : ايوه مين .
:_ انا ادهم السيوفي اكيد طبعا عارفنى ....... مراد سمع الاسم ووقف العربيه وقال : عم المجرم مش كده .
ادهم : حاسب على كلامك واعرف انت بتكلم مين .
مراد نزل من العربيه وقال : ولو محسبتش هتعمل ايه .
ادهم حط رجل على رجل وقال : جرب وانت هتشوف.
مراد : اسمعني كويس اوى .... مين ما كنت تكون .... انا مش بتهدد ويوسف زى ما خراجته انا هعرف ازاى ارجعه تانى لمكانه الاصلى.
ادهم : انا متصل بيك عشان نتقابل ونتفاهم فالو عاوز الموضوع يمشى بالحب وميحصلش فيه دماء تانى قابلنى فى مطعم ..............) بعد نص ساعه....... ده لو حابب الموضوع يمشى ودى .
ادهم قال جملته و قفل السكه فى وش مراد ومراد ركب العربية ومشى وبعد مرور وقت مراد راح المطعم اللى قاله عليه ودخل وشاف شخصية ليها هيبه قاعده على ترابيزه من الترابيزات وواقف وراه اتنين من البوتى جارضات بس ضخام اوى وطوال ...... مراد راح لعنده وقال: ادهم السيوفي .
ادهم حط رجل على رجل وقال : وانت بقى مراد الفيشاوي.
مراد قاعد على الكرسي اللى قصاده وحط رجل على رجل وقال : بيقولوا .
ادهم بصله وابتسم ابتسامه بسخرية على جرائته وقال : شكلك جرئ .
مراد : سيبك بس من انا جرئ ولا لاء ....... كنت عاوزنى فى ايه .
ادهم شاور لواحد من الرجاله اللى واقفين ورا و واحد منهم اداله شيك وادهم خده وحطه قصاد مراد على الترابيزه وقال : ده شيك ب20 مليون جنيه ....... خده وخلينا نقفل الموضوع ده وانا عن نفسي اوعدك أن يوسف مش هيقرب لا منك ولا من اى حد من عيلتك .
مراد ابتسم بسخرية ومسك الشيك وقال : 20مليون ....... ده انت طلعت بخيل اوى ..... دا انا حتى بسمع عنك انك عندك شريكات كبيره فى السوق هنا وفى ايطاليا ...... بلد النجاسه .
ادهم حط شيك تانى على الترابيزه وقال: ومالو ...... ده شيك تانى ب30 مليون جنيه ...... افتكر أن 50 مليون ده مبلغ كافى جداااا أن يعيشك ملك أنت وأهلك طول عمركم .
مراد مسك الشيك التانى وقال ببتسامه : 50 مليون اممممم ..... مبلغ مش بطال .
ادهم طلع سيجاره وولاعه وولع السيجاره وقال : كنت واثق انك مش هترفض عرض زى ده .
مراد ببتسامه وبصوت عالي : ومين يقدر يرفضه يا باشا يا كبير السوق ....... يا معلم وربنا معلم .
ادهم ضحك بصوت عالى : ههههههههههههه .
مراد خد نفس و ابتسام وقال : ممكن ولاعه يا كبير .
ادهم ببتسامه : اوى اوى خدها .
تعليقات
إرسال تعليق