روايه غرام الليل
الفصل الثامن من الجزء الثاني
فى بيت شريف .
مراد فاق وقام وراح عشان يدخل الحمام بس كان شريف فى الحمام مراد خبط على الباب وشريف قال من جوه : مين اللى بره .مراد : اسف ياعمى ماكنتش اعرف انك فى الحمام .
شريف : اترزع فى اى مكان عقبال ما اطلع .
مراد لقيها فرصه عشان يروح يتكلم مع ليل ..... راح لعند غرفة ليل وكان الباب مفتوح حاجه بسيطه وكانت ليل لبسا الهند فرى وبتغنى بصوت وبتقول ( اغنية شرين حلو و كاريزما وعجبنى) .
ليل مسكه صورت مراد وبتغنى بصوت وبتمثل الاغنيه : هو ده اللى كان ناقصنى حلو وكاريزما وعجبنى قلبى شافه ونط فجأة من مكانه وقام بايسنى ..... أما عن احساسى بى احكى ايه انا ولا ايه ...... مش مجامله ومش بهزر فين هلاقى كلام يعبر ....... أما عن احساسى بى احكى ايه انا ولا ايه ........... صعب جدا انى أفسر حبى لي فى حبت كلام .
مراد كان مراقبها من برا وفتح الباب وقرب لعندها وهى كانت مُتقمسا الاغنيه وباصص ليها ومبتسم ابتسامه كبيييره وحط أيده الاتنين على بعض لحد ما ليل خدت بالها منه واول ما شافته شالت الهند فرى وحطت الصوره على السرير وخبتها تحت اللحاف ومراد قال : كنتى بتسماعى ايه يا حلوه .
ليل بكسوف : عادى ..... اغنيه عاديه..
مراد ببتسامه : اممممممم ....... مراد بدأ يلف حواليها وهو بيغنى الاغنيه وبيقول : هو ده اللى كان ناقصنى حلو وكاريزما وعجبنى قلبى شافه ونط فجأة من مكانه وقام بايسنى ........ مراد بسها من خدها وقال : بحبك ياليل .
ليل ابتسمت من كسوفها وبعدين شريف نادام على ليل وهو بره وقال : ليل ........... ليل قالت بخضه : بابا ...... ليل قالت جملتها وخرجت بسرعه من الغرفه وبعدين مراد قال : بابا ......... وايه يعنى بابا ..... دانا جوزها .
مراد هو كمان خرج بره الغرفه وشريف شافه وهو خارج من غرفة ليل وقال
شريف : كنت بتعمل ايه فى غرفة بنتى .
مراد بابتسامه : ليه محسيسنى أن بنتك دى مش مراتى .
شريف : مراد متستهبلش ........ مدام انت قاعد معانا هنا حسك عينك تقرب من ليل أو تيجى جنب غرفتها أو حتى تتكلم معاها ...... وصلت .
مراد بستخفاف : مش عارف ...... هو تقريبا شكله الطريق زحمه .
شريف : اوووووووف يخربيت برودك
مراد بضحك : قال يعنى قولت حاجه جديده ههههههه .
مراد قال جملته ومشى من قدام شريف وليل وكاميليا كانوا حضروا السفره عشان يفطروا ........ مراد راح يقعد على الكرسى اللى جنب ليل ..... شريف سبقه وقاعد على الكرسى اللى جنب ليل وشريف قال : روح اتنيل هناااك ...... شريف شاور على اخر كرسي جنب كاميليا..... مراد بص لليل وبعدين راح وقاعد على الكرسي وكان الفطار عباره عن بيض مسلوق وقطع جبن قريش و لانشون ورومى وكده يعنى ......
مراد مسك طبق وقال : معلش يا ليل يا حبيبتى ممكن حتة جبنه من اللى عندك .
ليل بابتسامه : اه اكيد .
ليل جات تمسك الطبق من مراد بس شريف مسك اديها وقال لمراد : شكلك كده أعمى ....... ما قدامك فطارك ...... كُل وانت ساكت .
مراد بص على الطباقه اللى قدامه وكانت متغطيه بصحون مسطحة وقال : ياسلام ..... عاملين ليا فطار خاص .
مراد شال الصحون ووشه جاب ميت لون وقال : ايه ده .
شريف : ايه فطارك .
الطبق كان فى زتونايه واحده وجنبها خيارايه واحده ...... والطبق التانى كان فى بضايه واحده ....... ليل شافت الفطار تنحت ومراد قال : بضايه واحده .
شريف : اللى موجود ........ للاسف مكنتش عامل حسابى انك هتشرفنا وتفطر معانا ...... ومدام انت بقى بارد وحابب تفطر معانا ..... الباقى حطتهولك .
مراد ابتسم : ومالو يا عمى ....... انا اصلا عامل رجيم ....... عشان بلعب رياضه .
بدأوا يكلوا وشريف هيولع من مراد وبروده ....... بعد ما خلاصه اكل مراد قال .
مراد : الحمد لله ........ سفره هنيئا يا عمى ...... ابقى ما تنساش الأجنحة النهارده على الغدا.
شريف : هو انت ناوى سيتك تقعد لحد الغدا .
مراد بستخفاف: ياااااااه ياعمى ....... غدا بس ........ دانا معتصم هنا .....ههههههههه .
شريف : يعنى كمان هتبات النهارده .
مراد : متقلقش يا عمى ....... مش اقعد النهارده بس ........ انا هقاعد هنا على طوووول .
شريف : نعم يا اخويا .
مراد : مستغرب ليه يا حبيبى ..... مدام مراتى هنا يبقى انا كمان لازم اكون معاها هنا ....... مراد بص لكاميليا وقال: مش صح يا حماتى .
كاميليا : اه .... اكيد يا حبيبي تنور .
مراد بستخفاف: عليكى نوووووور .... ونبى انتى حماية عسل ........ وبعتلها بوسه على الهوا .
شريف بغيظ : الله ما طولك يارووووح .
مراد قام من على السفره وقال : طب انا مضطر امشى يا عمى يا غالى فى مشوار مهم ..... يكون طولت .
شريف بعدم فهم : هى ايه دى .
مراد بستخفاف: الروح .... ههههههههه
مراد جه يمشي ليل قالت : هتتاخر.
مراد : مسافة السكه يا قلبى ...... وبعتلها بوسه على الهوا هى كمان .
شريف : روح يا شيخ الهى تتعطل ما ترجع .
مراد: متقلقش راجع ....... ههههههه مراد قال جملته ومشى وشريف بص لليل وقال: عجبك فى ايه ده .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا ادهم السيوفي.
ادهم خرج يوسف من السجن وجابه على الفيلا ودخلوا ومدام هند هى وشاهى كانت مستنياهم واول ما دخلوا هند قامت وراحت لعند يوسف و حضنته وقالت : الحمدلله انك بخير يا حبيبي.
ادهم قال بعصبية: كفاياكى بقى دلع فى ....... كل اللى حصل ده بسبب دلعك واستهطارك يا هانم ............ وبعدين بص على يوسف وقال : اسمع يالا ........ اعمل حسابك دى اخر مره هقف جنبك فى مواضيع زى دى .......... ولو سمعت انك هببت اى حاجه تانى ....... انت لا ابن اخويا ولا أعرفك ..... مفهوم.
يوسف : اسف ياعمى ........ حرامت ........ مش هتكرر تانى
ادهم: خلاص خلصنا ...... قفل على الموضوع ده ...... واطلع حضر نفسك عشان هتيجى معايا الشركه
هند : خليه النهارده يستريحه ........ يا حبة عينى شكله مطبق لي كذا يوم .
ادهم : مطبق ولا متنيل ...... يستاهل مش هو اللى عامل كده فى نفسه .......... وبعدين بص على يوسف وقال: أنجز يا استاذ ........ وخمس دقايق والاقيك قصادى .
يوسف سبهم وطلع وشاهى طلعت وراه ودخلت غرفته وقالت : هتنفذ امتا وعدك ليا .
يوسف : اول ما اتلاقه الفرصه المناسبة.
شاهى: خد بالك أن كل اللى هنا عرف أننا مخطوبين ........... يعنى متفكرش انك تضحك عليا ....... وتخلى بيا زى كل مره .
شاهى قالت جملتها وخرجت بره الغرفه.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا الفيشاوي.
سامر وكارما وهنا وساره وسلمى وندى كانوا مجتمعين وفجأة جرس الباب رن وداده زينب فتحت الباب وكان مراد دخل وكان رايق وبيصفر واخر رواقان وقرب لعندهم وقال .
مراد: صباحكم بيضحك.
سامر قام وراح لعنده وقال: ايه ده انت جيت ..... امال فين ليل .
مراد قاعد على الكرسي وساره قالت : كنت بايت فين من امبارح ....... واوعه يكون شريف مرديش يخلى ليل تيجى معاك .
مراد هز راسه بالموافقة وقال : ياااس ...... ابوها مصمم أنها مترجعش معايا ...... وعشان كده قرارت استقر عنده .
سلمى : انت بتهزر يا مراد ...... ازاى تعيش فى بيت حماك .
مراد : تؤتؤ ........ بتكلم جد ....... انا هقاعد معاه و زهقوه لحد ماهو بنفسه اللى يترضنا انا وليل .
بعدين مراد قام وقال : هقوم انا احضر الشنط .......عشان زمان عمى مستنى رخامتى.
سامر بستخفاف: روح يا شيخ ربنا يوفقك دنيا وآخره ........ وتخلص من حوارات عم سحلول دى .
مراد طلع على فوق وهو بيضحك على كلام سامر وهنا قرصة سامر فى كتفه وقالت : اتلم .
سامر بوجع قال : اااااه ....... ايدك تقيله اوى يا بنت سحلول .
هنا برقت وقالت بغيظ : احسن ...... واتلم
سامر : اتلمينا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت شريف.
مراد كان فارد جسمه على كنبة الانتريه وبيقلب بالفون وشريف كان قاعد على الكرسي ولابس النضاره وبيقراء بالجرنان .......... كاميليا دخلت لعندهم وراحت عند شريف ومدت اديها بورقه وقالت : معلش يا شريف كنت عاوزاك تجيب الطلبات دى ضرورى .
شريف قفل الجرنان وبص لكاميليا وقال : انتى عاوزانى انزل واسيب الاهبل ده معاكم هنا لواحدك .
مراد ركز على كلام شريف وعمل نفسه مش واخد باله وكان بيقلب فى الفون وبعدين ضحك بصوت عالى : ههههههههههههههههههه
شريف بصله بغيظ وكاميليا قالت: عادى يا شريف هو يعنى مراد هيعمل ايه .
شريف بصله وقال : من رابع المستحيلات انزل واسبكم هنا مع المتخلف ده .
مراد ضحك بصوت عالى تانى وكان بيقلب فى الفون وقال: ههههههههههههههه الله العظيم ..... حاجات غريبه بتحصل ههههههههههههههههههههه
شريف خلع النضاره وبصله وقال بعصبية : بتضحك على ايه يا نطع
مراد عدل نفسه وقاعد وقال وهو بيضحك : ههههههههههه اصل قريت حاجه عجيبه هتفطسك من الضحك يا عمى هههههههه .... بصى كده ..... بيقولك فى واحد قتل حماه وخطف مراته من نص بيت ابوها ..... وكل ده عشان حماه خد بنتوا بالعافيه وعاوز يطلقهم ههههههههه ........... امور عاجيبه والله ياعمى هههههههه يعنى معقول واحد يقتل حماه ههههههههه .
شريف بلع ريقه بخوف وقال : حسبنا الله ونعم الوكيل.
.....................
يتبع لتكملة باقى الفصل
تعليقات
إرسال تعليق