روايه غرام الليل
الفصل الرابع من الجزء الثاني
ساره دموعه نزلت وقالت : هتسبنا تانى يا مراد .
مراد مسح دموعها باديه وقال : لا لا .. هرجع تانى متقلقيش ..... انا بس هقعد كام يوم فى الفيلا بتاعتى ...... وهى مش بعيده عن هنا دى فى ..........؟ يعنى قريبا من هنا ..... وكمان لو حبه تيجى تقعدى معايا شويه ابقى تعالى ......... بس صدقينى مش قادر استحمل ...... عاوز اقعد لوحدى لأكبر وقت ممكن .
ساره : اوعدنى انك هتيجى تقعد معانا تانى .
مراد : اوعدك .
عز قرب منهم وقال : اول مره تاخد قرار صح فى حياتك ............ عز بص على مهاب وقال : مش كده يا مهاب ......... مهاب ابتسم وقال : اه ... عندك حق يا بابا ....... وبعدين مهاب قال فى سره : اكبر غلط عاملته انك هتخرج من البيت ده .... انت كده سهلة مهمتى اكتر ........ وبعدين ابتسم .... ابتسامه طويله ومراد خد باله وبعدين قال لعز .
مراد : عندك حق ده احسن قرار باخده .
مراد قال جملته ولف و وهو وماشى نحيت الباب ابتسم وقال فى سره : واللهَ والعصفور هيدخل القفص برجليه .
مراد خرج من الفيلا وراح عند عربيته وركب العربيه ومشى .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا مراد .
مراد راح الفيلا بتاعته ودخلها وكان المقدم عادل جوه هو والعساكر بتاعته وكام واحد بخصوص المخابرات......... مراد قرب لعند المقدم عادل وقال .
مراد : عاملت كل اللى اتفقنا عليه .
المقدم عادل : متقلقش .......... حطينا كاميرات فى كل زاوية فى الفيلا ......... وأمنا كل جزء فيها ............. وبليل لما يشرف هنكون محصرين كل الاماكن حوالين الفيلا .
مراد : تمام ....... بس بتمنا ميكنش نسيت حاجه .
المقدم عادل: لا متقلقش ............ المقدم عادل طلعله مسدس وادهوله وقال : وخد ده كمان .
مراد خده منه وقال : اعمله ايه ...... مفتكرش انى احتاجه ......... مراد جى يدهوله المقدم عادل قال : ده مسدس صوت ........ اكيد هتحتاجه.
مراد : تفتكر أن كل حاجه هتمشى على حسب ما خططنالها.
المقدم عادل: اكيد ........ بس اول حاجه لازم تعملها انك تتخلص من السلاح بتاع مهاب.
مراد : تمام .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مخزن تبع مهاب .
المخزن كان مليان رجاله ومهاب كان بشرح لكل واحد المفروض يعمل ايه .
مهاب : كده كل واحد عرف ايه اللى هيعمله.
واحد منهم : حضرتك شرحت كل واحد هيعمل ايه بس مقولتش مين هينفذ .
مهاب : انا اللى هنفذ .......... لأن مش هسمح بغلط المره دى .......... لأن دى اخر فرصه بالنسبالي .
نفس الشخص : تحت امرك يا بوص.
مهاب : بتمنا ميحصلش اى غلط ...... وانت بعد متنزل سكينة الكهربا ....... انا هدخل واخلص ...... ولو تأخرت عن نص ساعه اقتحموا المكان.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت كاميليا وشريف.
هنا كانت فى الاوضه وقاعده على السرير وحضنا صورة سامر ومعلقين ليها محاليل بسبب انها قطعا نفسها من الاكل ......وليل دخلت عليها وكانت شيلا صنية عشا لهنا ...... ليل راحت لعندها وقاعدت جنبها وقالت : جبتلك العشا ومش هسماح بأى اعزار .
ليل بدأت تأكلها بس هنا ولت وشها النحياه التانيه وليل قالت : عشان خاطرى كلى من أيدى ..... هنا بعدت ايد ليل عنها وليل قالت : وبعدين يا هنا.
ليل بدأت عنيها تدمع وقالت : لازم تكلى حاجه ...... هتفضلى عايشه لحد امتا على المحاليل .
هنا مش بدتى اى ردت فعل وهما قاعدين فى رساله جات على فون ليل ....... ليل مسحت دموعها ومسكت الفون وشافت الرساله وقامت مره واحده من مكانها ووشها جاب ميت لون ........ وبعدين قالت لهنا
ليل بخوف : هنا لازم نخرج بسرعه.
ليل غيارت هى وهنا وجات تخرج كاميليا قالت لها .
كاميليا : استنى ياليل ...... انا وشريف جايين معاكم .
ليل : ماشى ...... يلا .
ليل وهنا وكاميليا وشريف خرجوا من البيت
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا الفيشاوي.
ندى وكارما كانوا قاعدين في غرفة كارما .
كارما : عيلتنا اتفرقت تانى ...... مش عارفه ليه مش مكتوب لينا نعيش زى بقيت الناس .
ندى : كل اللى حصل ده بسبب مراد ..... انا بجد بقيت بحس بالقرف لما اقول عنه انو اخويا.
كارما : مراد كل همه أن يعاقب المجرم ...... بس مشكلته أنه عاقب الشخص الغلط .
وهما بيتكلموا كل واحد وصلتلوا رساله وندى وكارما مسكوا فونهم وشافوا الرساله و واتصدمو لما شفوها وبصوا لبعض بستغراب .
كارما وندى نزله جرى لتحت وكارما راحت عند سلمى وقالت : ماما ....... انا جاتلى رساله .
وساره قطعتها وقالت بخوف : وانا كمان جاتلى رساله ......... وسلمى قالت : وانا .
عز نزل وقال : غريبه انا جاتلى رساله من...
سلمى قطعته وقالت : كلنا جاتلنا نفس الرسالة
يوسف ادخل وقال : طب يلا بينا بسرعه مستنيين ايه .
الكل خرج من الفيلا وركبه العربيات ومشيوا بأقصى سرعة.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى منتصف الليل قدام فيلا مراد .
عربية مهاب هو ورجالتوا وصلت قدام الفيلا ونزلوا منها ........ مهاب قال ليهم .
مهاب : كل واحد عارف هيعمل ايه ..... يلا .
مهاب لبس مَسك على وشه و راح نحيت البوابه وضرب البواب على رأسه بالعصايا ...... البواب اغمى عليه ومهاب دخل .
جوه الفيلا .
مراد قاعد فى الاوضه رايح جاي باصص على الساعه ............ وفاجأة النور قطع ....... وبكده هو عرف أن مهاب وصل وراح بسرعه على السرير وعمل نفسه نايم .
مهاب دخل الغرفه وقرب نحيت سرير مراد ورفع المسدس على راس مراد ومراد حس بيه ومراد لف بسرعه وضربه بأيده على اديه عشان يقع منه المسدس وطلع المسدس من تحت المخده اللى كان مدهوله المقدم عادل وصوبه على مهاب وقال .
مراد بعصبية: مين انت .
مهاب طلع يجرى لتحت ومراد طلع يجرى وراه وهو بيقول : اوقاااف عندك .
مهاب جه يطلع من باب الفيلا ...... مرديش ينفتح ..... ومراد قرب منه بسرعه ومسكه وشال المسك اللى على وشه وعمل نفسه أنصدم لما شافه وقال.
مراد بتمثيل الصدمه : معقول انت يا مهاب .
مهاب لوا دراع مراد اللى ماسك فى المسدس وخده منه وصوبه عليه بسرعه وقال : فجأتك صح .
مراد : انا كنت فاكر أن سامر هو اللى جاى يقتلنى ...... مكنتش أتوقع انك انت اللى تحاول تقتلنى.
مهاب : وهو ده اللى كنت عاوزه ...... انك تفتكر سامر هو اللى جاى عشان يقتلك ..... عشان لما اقتلك الكل يفكر بنفس الطريقة.
مراد : يعنى انت اللى كنت بتحاول تقتلنى بكل مره .
مهاب بابتسامه: عليك نوووووور ..... بظبط ..... هو انا .......... كان لازم أتخلص منك عشان ارجع مكانتى اللى انت دايما سرقها منى ..... مكانتى فى الشغل والبيت وفى كل حاجه ......... العيله كلها فكرينك مثلهم الأعلى وانا ولا حاجه ..... كل اللى انت فى ده المفروض يكون بتاعى ملكى انا ..... عشان انا الإبن الكبير فى العيله.
مراد بعصبية : كل ده حقد شيله من نحيتى ..... ومدام انت عاوز تتخلص منى قتلت ليه فاطمه فى ليلة فرحنا.
مهاب : رجالتى هما اللى حبت اغبيا .... بدل ما يقتلوك انت قتله حبيبت القلب ...... بابا فعلا بعت البلطجية وقتها عشان يبوظو الفرح وانا وقتها عرفت و استغليت الفرصه وبعت واحد يتخلص منك بس الغبى بدل ما يخلصنى منك قتل مراتك ...... ووقتها بردو جات بمصلحة انك حطيت كل اللوم على عمك وسبت البيت ....... سعتها قولت مش مهم انت موت ولا فاطمه الاهم انك مشيت من البيت وترجعلى مكانتى ......... ولما ظهرت تانى خوفت انك ترجع تانى البت ..... وبعت بردو حد يتخلص منك وفى كل مره كان الحظ بيساعدك.
مراد بعصبية: وسامر .... عاملك ايييييه عشان تلفاقله تهمه زى دى .
مهاب : هو كمان زباله ميستهلش أشفق عليه ....... كان دايما بيفضلك عنى بكل حاجه
مراد : طب انا يمكن اهون عليك عشان ابن عمك ...... أما سامر ..... اخوك ... من لحمك ودمك.
مهاب : هشششششش ...... خلاص صداعت منك ومن كلامك التافه.
مراد بعصبية وبصوت عالي: ايه عاوز تقتلنى ...... فرد أيده الاتنين وقال : اتفضل ..... اضرب ...... اقتنى مستنى ايه ...... اضرب .
مهاب ابتسم ابتسامه واسعه وقال : هضرب ...... مهاب ضرب رصاصه جات فى نص قلبه والدم نزل منه ووقع على الأرض ....... مهاب ابتسم وحط المسدس فى جيبه وجه يفتح الباب عشان يطلع الباب انفتح معاه وابتسم وفاتحه لقى الحكومة والعيله واقفين على الباب .......... بصلهم بستغراب ....... العساكر قربت منه بسرعه ومسكه وليل اول مشافت مراد مضروب بالرصاص ومغمى عليه طلعت تجرى نحيته هى وساره وفضلت تسرخ بصوت وتقول : مرااااااااااااد ...... قوم بالله وساره وفضلت تبكى بحرقه عليه ....... ليل قامت وراحت عند مهاب وهى بتبكى فضلت تضرب في بالقلما على وشه وهى بتقول : حقييييير ........ قتلته يا وسخ .
العساكر بعده ليل بعيد على مهاب والمقدم عادل قال : واخيرا وقعت يا مهاب .
مهاب بصله بستغراب ...... والمقدم عادل راح نحيت مراد ونزل لعنده وقال : قوم بقى يا مراد انت استحلتها ولا ايه .
مراد أتمطع باديه وقال بستظراف وهو مبتسم : تصدق الموت طلع حلو اوى
المقدم عادل مد أيده لمراد ومراد مسك أيده وقام والكل استغرب وأمه حضنته وقالت وهى بتبكى: انت عايش ........ فضلت تدور باديها على مصدر الدم اللى نزل منه وهى بتقول : امال الدم ده من ايه ...... انت مجروح.
مراد حط صباعه على الدم اللى نحيت صدره وهو بيقول : دم ....... وبعدين لاحسه وقال : مش دم عادى دى صلصه .
ساره رفعت اديها وقالت : جاى فى بالى افضل اضرب فيك لحد ما تموت .... انا كان هيقف قلبى .
مراد بعتذار: اسف .
ليل ابتسمت لما لقيت مراد لسه عايش .. طلعت تجرى عليه و جات تحضنه بس مراد رجع خطوتين لواره ........... ليل وقفت مكانها ودموعها نزلت وراحت وقفت جنب هنا
مراد قال بصوت عالى: سامر ... جه الوقت انك تطلع .
سامر طلع اوضه من اوض الفيلا اللى تحت وهنا اول ما شافته طلعت تجرى عليه وحضنته وفضلت تبكى فى حضنه وقالت : الحمدلله انى شوفتك قدامى .... كنت همووووت من بعدك عنى .
سامر بعدها عن حضنه ومسك وشها باديه الاتنين وقال : خلاااااااص أهدى انا جنبك .... مش هسيبك
الكل راح نحيت سامر عشان يطمنوا عليه وبعدين مراد قرب منهم وقال :طبعا كلكم مستغربين ايه اللى بيحصل وانا ليه عملت ده كله ........ هقولكم ........ مراد حكلهم كل حاجه من اول ماشاف فيديوهات المراقبة بتاعت الفيلا ولما سجن سامر وخطته مع المقدم عادل وان هو كمان اللى هرب سامر وكل ده عشان يمسكه مهاب ........ مراد كمل كلامه وقال : وفعلا قدرنا نمسكه وكل كلمه قالها دلوقتى اتسجلت صوت وصوره ....... وبعدين مراد بص لليل وقال : يعنى كل حاجه حصلت من البداية كانت من تخطيطى انا والمقدم عادل
عز قرب من مهاب وضربه بالقلم والغضب كله مالى عيونه وقال : كل اللى حصل ده بسببك انت ......... سجنت اخوك وحاولت تقتل ابن عمك وقتلت مراته ولفقت التهما عليا ............ ليه ده كله كنا قصرنا معاك فى ايه .
مهاب بعصبية : ايوووووه قصرته ...... محدش كان مديلى اى اهتمام ولا كان يفرق معاكم إذا كان انا مبسوط ولا زعلان ولا مهموم ....... كل اهتماماتك كانت لمراد وسامر أما أنا ...... الخدامين كانوا بيتعملوا احسن منى ........ مراد موجود يمسك رئيس الشركة مش موجود امسكها انت يا مهاب ..... ولا كأنى استبل فى العيله ...... عمركم ماحسستونى انى واحد منكم ...... عاوزنى انا احس بيكم ...... ليييبه .
عز : احنا عمرنا ما فرقنا بينك وبين اى حد فيكم ..... انت بس اللى طماع عاوز كل حاجه تبقى ليك .......... عز بص للمقدم عادل وقال بعصبية : خدوا من وشى ........ خليه يقدى طوول عمره فى السجن
العساكر كانوا هيمشوا بي بس مهاب زق العساكر بعيد عنه وخد بسرعه المسدس من جيب العسكري وصوبه نحيت مراد والكل واقف مصدوووم وقااال بعصبية وبصوت عالى : موووووووووت .
ليل طلعت تجرى نحيت مراد قبل ما مهاب يضرب الرصاص وهى بتقول : مرااااااااااااد . ......... ليل جات قصاد مراد ومهاب ضرب الرصاصه جات فى كتف ليل والمقدم قرب بسرعه على مهاب فضل يضرب فى وبعدين قال للعساكر : خدوا الحيوان ده من هنا ... ....... و ليل وقعت على دراع مراد ...... والكل قرب منهم ومراد قال بخوف : ليل لاا ... لا ... اوعى تغمضى عيونك ....... مراد بصوت عالى : حد يطلب الإسعاااااااف ........ ليل عيونها غمضت واحده واحده واديها انفردت على الأرض ....... واااااااااا ............. بكره نكمل🤫❤️
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهى الفصل الرابع من الجزء الثاني ❤️
بقلم نسمه أحمد ❤
ياترا ايه اللى هيحصل لليل ؟
وهل بعد اللى حصل ده مراد لسه هيكون مدايق منها ؟
تعليقات
إرسال تعليق