روايه غرام الليل
الفصل من الجزء الثاني
فى كوخ صغير بعيد فى طريق زراعى ...... العربيه وقفت قدامه والرجاله خده سامر ودخله الكوخ وسامر طول الطريق بيسالهم محدش مديله اى رد مفيد ولما دخل الكوخ لقى إن الكوخ كان مفروش وفى كل حاجه اى حد ممكن يحتجها يومياً.
سامر بص على الرجاله وقال : انا هنا بعمل ايه .. وانتوا مين .
وحد من الرجاله شال المسك من على وشه وكان المقدم عادل ...... سامر شافه واستغرب وقال : المقدم عادل .
المقدم عادل : ايوه انا .
سامر : ممكن اعرف ليه جايبنى هنا .
المقدم عادل كان هيتكلم بس قطعه صوت حد من ورا وقال : انا هقولك .
سامر استغرب لما شافه وقال : انت .
كان مراد ....... مراد قرب منه ودموعه كانت محبوسه وحضنه ........ سامر بعد عنه وقال : ممكن افهم فى ايه .
مراد : فى انك المفروض تكون عارف انى مستحيل اشك فيك ولو ثانيه واحده .
سامر : والكلام اللى قلتهولى فى قسم .
مراد : كان لازم اقولك كده وقتها عشان ليل متشوكش بحاجه ....... عشان لو ليل عرفت حاجه اكيد هتروح تقول لهنا ....... وانت عارف هنا .
سامر ابتسم وقال : عارفها ......... بس انا بردو مش فاهم انت عاوز توصل لأيه من ده كله .
مراد : انا هفهمك ....... كل الحكايه لما المقدم عادل جالى المستشفى عشان يورينى الساعه والمقطع الفيديو قولتله وقتها وياخد اقوالى .
فلاااااااااااااااااااااااش باااااااااااك .
مراد لما شاف الفيديو والساعه : مستحيل سامر يعمل كده .... ده اكيد حد بيحاول يلفقله التهمة .
المقدم عادل : القانون بياخد بالأدلة مش بالكلام وده دليل كافى يثبت أن هو اللى عامل الجريمه .
مراد : لاء طبعا مش كافى الفيديو مش واضح فى وش سامر يبقى ازاى كافى .
المقدم عادل : بس انا لازم اقبض عليه و احقق معاه .
مراد : بس انا هجيب الاول نسخه من كاميرات الفيلا ...... مش ممكن يكون حد دخل الفيلا عشان يسرق الساعه .
المقدم عادل: تمام .
مراد خد فونه واتصل بادهم دراعه اليامين وحذره أن محدش يعرف أنه كلمه ويجى بسرعه على المستشفى ويجيب نسخه فيديو من اول اليوم .
بعد مرور ساعه .
ادهم دخل الاوضه وقال : الف حمد الله على سلامتك يا بشمهندس.
مراد : الله يسلمك .... هات نسخه الفيديو .
ادهم اداله فلاش عليه الفيديو ومراد خدها منه وحطها فى الاب توب وسرعه الفيديو وملقيش حد لا دخل ولا خرج من الفيلا فى الوقت ده الا مهاب ...... وبعدين شاف لما سامر طلع بره هو وهنا ولافه الراجل الكماشه ...... مراد وقف الفيديو هنا وقرب الفيديو عشان يشوفه شكل الكماشه والمقدم عادل قال .
المقدم عادل : دى نفس الكماشه اللى لقنها مكان الحادث .
مراد : عرفت بقى إن فى حد بيحاول يلفقها لسامر .
باااااااااااااااااااااااااااك
مراد : ووقتها انا والمقدم عادل اتاكدنا انك ملكش اى علاقه بالموضوع ....... وان الشخص ده ممكن يكون عايش معانا فى البيت لأن من السهل يسرق الساعه بتاعتك....... واتفقنا عشان نعرف مين لازم نحسسو ان هو كسب عشان يغلط تانى ونقفشه.
المقدم عادل هو اللى كمل وقال : وفعلا غلط ..... من ضمن احتياطتنا اللى حطناها أننا نعرف مين بيروح ليوسف ..... عشان هو اللى قال لمراد أن هو الواحيد اللى يعرف مين اللى قتل فاطمه وحاول يقتل مراد ...... وطبعا اى حد يدخله مش بيدخل غير بالبطاقة ويتسجل اسمه وعنوانه ...... ومهاب اخوك هو اللى كان راحله اكتر من مره .
سامر بصدمه : مهاب ....... ومهاب بيرحله ليه .
مراد : مش عارف ...... بس لما فكرة فيها شويه لقيت أن الحد الوحيد اللى هيستفاد بعد ما اموت هو مهاب .
سامر : ايه هو اللى هيستفاده.
مراد : منصب الشركه ...... وقيمته....... وان كمان كان دايما عمى يفضلنى عليه ....... الحقد والغل يخلى الإنسان يعمل اكتر من كده .
سامر : معقول يكون مهاب فعلا .
مراد : على العموم ...... بعد موضوع هروبك من السجن ده اكيد المجرم هيحاول يقتلنى تانى ..... وطبعا عشان يثبت انك هربان عشان تنطقم وتقتلنى .......... ووقتها بقى هنكون عاملين لي كبيين اخر حلاوه .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تانى يوم فى فيلا الفيشاوي.
الكل كان قاعد وفجأة جرس الباب رن وداده زينب فتحت الباب وكانت الشرطه ...... الكل اول ما شفهم قامه وعز قرب منهم وقال لسيد المقدم : فى حاجه ياسيد المقدم .
المقدم عادل قال للعساكر : فتشوا الفيلا .
عز : فى ايه ويفتشوا فيلا ليه .
المقدم عادل: فى أن ابن سيتك هرب وعندى أمر بتفتيش الفيلا .
الكل أنصدم من اللى سمعه ومراد قرب منه وقال : انتوا ازاى تكونوا مُهملين ..... مجرم زى ده ازاى قدر يهرب منكم
عز ادخل وقال : حاسب على كلامك انا ابنى مش مجرم .
مراد بعصبية مزيفه: لاء مجرم والقانون اثبت كده ..... وبعدين بص على المقدم عادل وقال : سامر لو متمسكش خلال اليومين دول هشتكى عنك ..... عشان تبقى تفتح عيونك بعد كده .
المقدم عادل : متقلقش يا استاذ مراد هنمسكه فى اقرب وقت .
مراد : مقلقش ........ انا حياتى وحيات مراتى بقت بخطر وتقولى مقلقش .
العساكر خلصوا تفتيش وقالوا إن ملقيوش سامر والمقدم قال : يبقى يا استاذ عز ومهاب وسيف و يوسف انتوا كده مضطرين تيجوا معانا عشان نحقق معاكم ........ لأن سامر ماهربش لواحده فى حد ساعده أنه يهرب .
مراد : بص اعمل اللى انت عاوزه اهم حاجه تلقوا
مهاب ادخل وقال : انت شكلك اتجننت عاوز تودى اهلك كلهم ..... القسم .
مراد لف نحيت مهاب وقال : امال عاوزنى امسك المجرم ازاى ....... اخلى يهرب من القانون وهو قاتل ويتمتع فى الحياه ولا كأنه عامل حاجه يا بشمهندس مهاب......... انا وعد نفسى وقولت اللى قتل فاطمه مستحيل اخليه يتمتع فى الحياه مدام انا عايش وبتنفس على وجه الارض ....... ومش هتفرق معايا حتى لو المجرم ده من علتى..........بتمنا تكون وصلت لكم الفكره ...... مراد عاله صوته اكتر وقال : انااااااااا .... مراد يوسف قاسم الفيشاوى...... وبكامل قوايا العقليه ...... وبقولها قدام الكل ....... اللى قتل فاطمه وحاول يقتلنى قسماً عظماً .... ماهخلى يشوف يوم راحه وهيتعاقب ...... حتى لو الشخص ده من علتى. ....... وبص على مهاب .
المقدم عادل قال لعز : لو سمحت يا استاذ عز تعالوا معايا من غير اى شوشاره.
عز بص على مراد وقال :ماشى ........ عز ومهاب ويوسف وسيف راحة مع المقدم عادل عشان يحققوا معاهم.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى القسم .
المقدم عادل حقق مع كله وفاضل مهاب ... وكان فى ترابيزه ومهاب كان قاعد على كرسي الترابيزه ومستنى المقدم يدخله والمقدم عادل دخل وخلع الجاكيت وحطه على ضهر الكرسي وقاعد على الكرسى اللى قصاد مهاب بظبط وحط رجل على رجل ...... مهاب كان هيتكلم بس مهاب اتصل بحد وقال بصوت عالى : الو ............قام مره واحده وقال بعصبية : بتقول ايه ............ ازاى الحيوان ده مش عاوز ينطق كلمه .............. هو جريمته سهله ولا ايه دى قتل ................ طب بص اسمع اللى هقوله ده ونفذه بالحرف الواحد ......... انت هتجيب سلك كهربا ........ وأطراف السلك حطها فى صدره ............. وجهاز الكهربا بتاع المخ مش هوصيك ............ وبعدين لو ما اعترفش ...... علقه من رجليه واضربه بالقورباج ....... و اوعا ترحمه لحد ما يعترف .
مهاب بلع ريقه من خوفه وتقريبا العرق بينزل منه زى المطر ......... المقدم عادل خلص المكالمه وراح وقاعد على الكرسى تانى وشاف حالة مهاب وقال : ايه يابنى مالك ولا كأنك قاتل قتيل.
مهاب بقلق وتوتر: ق.اتل ....... قاتل ايه يا باشا...... هو انا وش كذالك .
المقدم عادل ابتسم وقال : امممممممم .... فعلا والله حتى وشك باين عليه ..... ده انت حتى متقدارش تقتل نمله .... هتقتل بنى ادم .
مهاب : ايوه ب.بظبط
المقدم عادل ابتسم وقال : ماشى يا عم .... المهم خلينا فى موضوعنا.
مهاب : ايوااااااا ........ خلينا فى موضوعنا ..... أسأل بسرعه على اللى انت عاوزه عشان عاوز أروح ....... قصدى اجتماع ...... ورايا اجتماع مهم .
المقدم عادل: حاضر هسأل بسرعه ...... قولى بقى يوم الحادث بتاع مراد كنت فين .
مهاب جسمه كله بيترعش من الخوف وقال : انا .م.ممخرجتش فى اليوم ده لانه كان اجازه فى الشركه .
المقدم عادل : يعنى انت مش بتخرج غير وقت الشغل بس .
مهاب : هو ايه اللى دخل الموضوع ده بهروب سامر .... مش انت جايبنى هنا عشان تسالنى عن هروب سامر .
المقدم عادل : لا عادى شوية تحريات بس مش اكتر عن القضيه ..... عشان بردو نتأكد سامر هو السبب ولا لاء .
مهاب : لا ياباشا اطمن هو اللى سبب موت فاطمه وحاول كمان يقتل مراد.
المقدم عادل: وايه بقى اللى مخليك متأكد اوى كده .
مهاب : بينى وبينك ياباشا ..... سامر اصلا من وهو وطفل بيكره مراد اصلا .
المقدم عادل بطريقه : ياشيخ .
مهاب : اه والله .......... وبزاد اخر فاتره دى .... كان دايما يمثل أنه بيحبه قدام الكل .... وبعدين يجى ويحكيلى بقى كل اللى فى قلبه نحيته ....... مانا اخوه الكبير لو محكاش ليا انا هيحكى لمين مثلا .
المقدم عادل: اه لا ازاى ميصحش ده كلام... ... وكان بيحكيلك ايه بقى .
مهاب : بينى وبينك بس متقولش لحد
المقدم عادل بتريقا: لا ابدا خالص مش هقول لحد .
مهاب : مراد لما ساب البيت من سنتين سامر كان دايما يمثل قدام الكل انو زعلان وكان كل يوم يجيلى الأوضه يحتفل معايا .
المقدم عادل بتمثيل الصدمه : والله .
مهاب : اه والله .... طب خد دى .
المقدم عادل باهتمام مصطنع : ادينى .... ادينى .
مهاب : قبل الحادث مراد بكام يوم جالى وقالى أن هو اتخنق منه عشان هو خطف البت اللى كان بيحبها...... ليل اللى اتجوزها مراد ..... سامر كمان كان بيحبها وقالى أنه مستعد يعمل اى حاجه عشان ليل تكون لي .
المقدم عادل : لا ياشيخ .
مهاب : اه والله يا باشا زى ما بقولك كده .
المقدم عادل بتريقا : امممممممم وانا قال اللى قولت سامر غلبان مايعملش كده فى ابن عمه ...... هى الدنيا جرا فيها ايه .
مهاب : اه والله ياباشا الدنيا بقت غريبة اوى .... ده الاخوات دلوقتى بقيوا بيكلو ببعضهم
المقدم عادل فى سره: دا الخوات بقيوا ولاد كلب
مهاب : بتقول حاجه يا باشا.
المقدم عادل: بس ج ..... مش غريبه يعنى تفضح اخوك وتلف حبل المشنقه حوالين رقابته.
مهاب : انا عارف انها غريبه ياباشا ....... بس الحق ميزعلش حد ......... انا ياما نصحته بس هو دائما كان بيعمل اللى فى راسه ........ وكده انا اكون خلصت ذمتى قدام ربنا ....... وربنا يقدرنى على فعل الخير .
المقدم عادل ابتسم وحط رجل على رجل وقال : متقلقش ........ هيقدرك .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد مرور وقت من التحقيقات مراد راح القسم ودخل مكتب المقدم عادل والمقدم عادل رحب فى وشاور لى يقعد على الكرسى ومراد قاعد وقال .
مراد :قولى اعترفلك بحاجه .
المقدم عادل طلع تسجيل صغير من درج المكتب وشغله وقال : اسمع انت بنفسك.
مراد سمع تسجيل تحقيق مهاب وبكده هو أتأكد من شكوكو والمقدم عادل قال.
المقدم عادل: وبكده احنا اتاكدنا أن مهاب هو اللى ورا كل حاجه ......... وبيوقعكم فى بعض.
مراد : معقول كل ده كره ليا انا وسامر .
المقدم عادل : كده احنا لازم ننفذ المهمه التانيه .
مراد : حسابك معايا تقل اوى يا مهاب .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد مرور أيام والحال فى الفيلا زى ما هو وحزن هنا ووجعها على سامر كل يوم بيزيد ......... وجه فى يوم وليل خدت القرار اللى هيلغبط حياتها تانى من اول وجديد.
فى فيلا الفيشاوي بليل .
ليل كانت مستنيا مراد يرجع فى فارغ الصبر وهنا كانت قاعده بتبكى جنبها وسلمى قاعده جنبها النحيا التانيه ........ واخيرا مراد رجع الفيلا وكان هيطلع على غرفته على طول بس ليل وقفته وقالت .
ليل : لحظه يا مراد .
مراد وقف وراح لعندها وقال : افندم ...... لسه حبه تتكلمى تانى فى موال كل يوم .
ليل بعصبية مكتومه: ايه البرود اللى انت فى ده ...... العيله كل يوم الفجوه فيها بتكبر ..... وهنا حالتها كل يوم بتسوء بسبب تصرفاتك الغريبه وكله بسببك .
مراد بعصبية : انتى ليه مُسرا تخلى الغلط عندى انا .
ليل مسكته من أيده هو هى بتقول : تعالى ..... وشددته لعند هنا وسلمى وقالت : بص ...... من وقت ما حبست سامر وهما على نفس الحاله .........هنا انقطعت عن الأكل وكل يوم حضنه صوره سامر ومستنيا اليوم اللى يرجع فى وطنط سلمى كل يوم دمعتها على خدها مشتاقه لابنها ولا كارما ولا ندى ولا عمه عز ........ كل دول موجوعين بسببك ........ بسبب قراراتك المتسرعه .
مراد مسك اديها وقال : انا عارف ان كل حاجه بقت اسوء بس خليكى واثقه فيا واتاكدى أن........
ليل قطعته وشالت اديها من أيده وقالت : لحد امتا ..... لحد امتا عاوزنى اثق فيك ........ بقالك اسبوعين بتقولى اثق فيك وان فى حاجات هتتغير مع الوقت ومفيش جديد ........ لاء والاسوء أن سامر حالياً هربان ومحدش يعرف هو فين وكل بردو بسببك ........... بس لاااااااااا يا استاذ مراد مش قادره استنا اكتر ...... مش قادره اشوف وجع اختى كل يوم واعمل نفسى عميا ....... وعشان ايه استنا ..... عشان سيتك مقتنع بأوهام برأسك.
مراد : انتى ليه مش قادره تقتنعى أن سامر هو السبب وهو اللى حاول يقتلنى.
ليل علت صوتها وقالت : لأن كلام ميصدقهوش عيل صغير ........... لأن بفضل سامر انا قاعده معاكم دلوقتى ..... بفضله هو احنا النهارده متجوزين وانت كمان قاعد فى وسطنا وهو نفسو سامر يالى قطع ابو وبطل يتكلم معاه ولا حتى يحترمه وعشان ايه عشانك انت ....... وانت جاى تقولى ليه مش قادره اقتنع ........... لاااااااا عفواً ولو الف شخص جه وحاول يقنعني مستحيل اقتنع عارف ليه ...... لأن دايما بفكر الف مره قبل ما خد اى قرار وبحسب عقابتها قبل فوايدها .
مراد عاله صوته هو كمان : خلاااااااااص ....... انا سطحى انا ابن ستين كلب ..... انا دايما متسرعه فى قراراتى ...... عاوزه ايه ....... عاوزانى اتنازل عن القضيه ......... مراد بتحدى: ده فى الحلم .
ليل : كده ....... ليل لفت نحيت هنا ورايحه لعندها وهى بتقول : يبقى عشتنا مع بعض مستحيله مدام دى طريقة تفكيرك ....................... ليل قاومت هنا وقالتلها : يلا بينا يا هنا .......... هنا قامت معاها وطلعه غرافهم عشان تلم هدومها هى وهنا فى الشنط .. وخلصت ونزلوا بالشنط وجه يمشوا وليل يدوب هتعدى عتبت الفيلا مراد وقفها وقال بصوت عالى .
مراد بعصبية وبصوت عالى : عتبت باب البيت ده مش مجرد باب عادى ........ ده لى حدود كامله ..... ولو رجلك عدت عتبت البيت ده ...... مش هتعديها تانى ولا حتى على جستى .
ليل لفت وبصتله بستغراب ومش مصدقه اللى بيقوله ...... ...............
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهى الفصل الثاني من الجزء الثاني ❤️
بقلم نسمه أحمد ❤️
هل ليل هتسيب البيت ولا لاء من بعد كلام مراد ؟
تعليقات
إرسال تعليق