رواية غرام الليل
البارت الاول من الجزء الثاني
انتهت حكايه الجزء الاول لما سامر كان هيتحول للنيابه بتهمة محاولة قتله لابن عمه مراد .
فى فيلا الفيشاوي ∆
الكل كانوا قاعدين مستنيين مراد وعز كان على أعصابه وسلمى ام سامر كانت قاعده تبكى وساره قاعده جنبها بتواسى فيها ومفاجأة جرس الفيلا ضرب داده زينب فتحت الباب وكان مراد وليل........ مراد دخل هو وليل ولما لقى الجو متوتر كان هيطلع على غرفته على طول بس عز وقفه وقال .
عز بعصبية : مـــراد
مراد وقف ولف نحيت عمه عز وعز قال : رايح فين .
مراد : طالع اوضتى .
عز : اوضت مين ........ انت من النهارده ملكش مكان فى وسطينا والمكان اللى كنت فى من سنتين ترجعه فى زى ماكنت .
الكل وقف مصدوم من قرار عز وساره قربت عشان تكلم عز قطاعه وقال بعصبيه : محدش يدخل بينى وبينه ...... انا حاليا بكلم ابن اخويا الوحيد يالى كنت بعتبره ابنى ومسكته اهم منصب بالشركه وفى الاخر يسجن ابنى ويعمل فيا كده .
مراد : انا مسجنتش سامر غير لما أتأكد أنه حاول يقتلني وأنه هو كمان اللى قتل فاطمه .
عز : فين التأكيد على كلامك ..... الساعه يالى ممكن اى حد يدخل الفيلا ويسرقها فى نص الليل... ولا الفيديو يالى وش المجرم مش باين فى .
مراد : بس الساعه باينه اوى فى ايد المجرم فى الفيديو ...... ولا نسيت بسمات ايده اللى إثباتتها التحقيقات اللى على الكماشه.
عز ضحك بسخريه وقال : عجبى منك ..... انت ناسى انك بفضله هو انت فى وسطنا النهارده واتجوزت البت اللى بتحبها وقطع علاقته بيا عشانك .
مراد : وليه منقولش أن هو كان بيمثل عشان يكسب ثقتى ويعمل عملته ومحدش يشك في .
عز عاله صوته وقال : انت دايما كده ...... دايما بتاخد كل الامور بسطحيا ......... هتفضل لحد امتا اعمى عن حقيقة الأمور .
مراد : انااااااااااا .
عز قطعه وقال بعصبيه : ولا كلمه تانى ...... انت قولت اللى عندك ومدام مش حابب ترجع سعادة العيله تانى وتحاول تعرف الحقيقة فين .... يبقى عشتك بعيد عننا احسن يابن اخويا ...... عز شاور نحيت الباب وقال : اطلع بره بيتى و اوعا ترجع هنا تانى وانسى انك ليك أهل .
مراد : ده اخر كلامك .
عز : ومعنديش غيره .
عز نادا بصوت عالى وقال : عبده .
عبده البواب نزل وكان معاه شنط فيها هدوم مراد وليل ودها لمارد ومراد مسك ايد ليل ولفه نحيت الباب وكأنه هيمشه بس يوسف ابو مراد وقفهم وقال : استنا يا مراد
يوسف قرب نحيت مراد وخد الشنط من أيده ونده لعبده وقاله : خد يا حيوان الشنط وطلعهم زى ما كأنه واللى مش عاجبه كلامى هو اللى يمشى ....... وكان باصص على عز .
عز قرب منه وقال بعصبيه : قصدك ايه يعنى يا يوسف .
يوسف عاله صوته وقال بعصبية: كلامى واضح ابنى مش هيخرج من البيت ده واللى مش عاجبه وجوده يتفضل هو .
عز بعصبية : انت شكلك اتجننت ....... من امتا بتكسر كلمه انا بقولها.
يوسف بعصبية : قصدك عقلت ....... ماهو مراد مش لعبه فى اديك عشان تطلعه وترجعه فى البيت زى مانت عاوز ....... ابنى فرد من العيله دى .... واللى انت عاملته من سنتين مستحيل هوافق عليه تانى .
عز عاله صوته : انا هنا كبير العيله وكلمتى هى اللى هتمشى.
يوسف : انت فعلا كبير العيله .... بس ممتلكتش البيت بالى فى ..... الفيلا دى ورثنها عن أجدادنا وزى ماليك حق فيها انا كمان ليا حق فيها وابنى مش هطلع بره الفيلا وده اخر كلامى .
عز : انت بتعلى صوتك عليا بسببه انت ناسى هو السبب بدخول سامر السجن .
يوسف : ابنك هو اللى مجرم ويستاهل كل اللى حصله وكويس أن مراد هو اللى اتصرف والا انا اللى كنت اتصرفت وعملت حاجات مكنتش تتوقعها منى .
عز بعصبية : انت كمان مصدق الهبل اللى انت بتقوله ده ....... ايييييييه فوقه الا سامر كانت العيله دى متفرقه من زمان .
يوسف : اثبت ..... اثبت أن كلامك صح وان سامر ملهوش علاقه بحاجه ....... وانا وعد منى مش مراد بس هو اللى هيخرج من الفيلا .... انا كمان هخرج منها واتنزلك كمان على نصيبى فيها .
عز : ماشى وانا موافق والجدع بقى اللى يبقى على قد كلمته.
عز قال كلمته وطلع اوضته .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى غرفة هنا .
هنا كانت قاعده تبكى على السرير وحضنا صورة سامر ومفاجأة ليل دخلت عليها وقربت منها وقعتت جنبها وهنا اول ماليل قاعدة جنبها حضنتها وفضلت تبكى بحرقه وليل قالت : كل حاجه هتتحل متخفيش
هنا بعتت عنها وقالت وهى بتبكى: ونبى حاولى اقنعى مراد أن سامر ملهوش ذنب وانا عارفه هو مستحيل يعمل حاجه زى كده .
ليل : عارفه .......... عارفه والله أن سامر مستحيل يعمل كده ....... بس انا مستنيا صحت مراد تبقى كويسه وانا هتفاهم معاه متقلقيش ...... ادينى بس كام يوم .
هنا وهى بتبكى : مش قادره استنا ........ كل دقيقه وهو بعيد عنى قلبى بيطقتع عليه ..... عشان خاطرى كلميه...... عشان خاطرى يا ليل .
ليل عشان توسيها قالت : حاضر هكلمه بس انتى أهدى ............. ليل مسكت اديها وخلتها تنام على السرير وقالتلها : نامى ومتقلقيش انا هتفاهم مع مراد .
ليل قاعدة جنب هنا لحد منامت وبعدين تفت النور وطلعت .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
تانى يوم على السفره .
الكل كان متجمع على السفره ماعدا مراد ....... مراد نزل وقاعد على السفره عشان يفطر معاهم بس عز اول ما مراد قاعد وقف وقال : الحمد لله شبعت .......... ومشى وسلمى كمان قامت هى ومهاب وكارما وندى وهنا وسيف ومفضلش غير يوسف وساره ومراد وليل ....... وبعدين يوسف قام وقال : كُل يا مراد مليكش دعوه بحد ..... انا همشى عشان ورايا اجتماع مهم .
يوسف مشى وقامت وراه ساره ومفضلش غير ليل ومراد ......... مراد غرف لنفسه وبداء يأكل وليل بصتله بستغراب وبخيبت أمل ومراد لحظ بصتها وقامت وكانت هتطلع غرفتها بس مراد وقفها وقال : مش هتفطارى .
ليل بعدم اهتمام قالت : نفسى اتسدت ..... ليل قالت جملتها وطلعت غرفتها ومراد حس بالقرف وخرج من الفيلا .
،،،،،،،،،،،،،،،،،،،،،،،،،،،،،،،،،,،،،،،،،،،،،،،،،،،،،،،،،،،،،،،،،
فى شركة الفيشاوى .
مراد راح المكتب عشان وراه اجتماع وطلع المكتب بتاعه وكان مهاب هو اللى قاعد على الكرسي.... مراد قرب وقال بستغراب : انت بتعمل ايه هنا .
مهاب : بشوف شغلى
مراد : بس ده مكتبى.
مهاب : كان مكتبك ........ دلوقتى خلاص بقى مكتبى ...... مكتب البشمهندس مهاب رئيس مجلس إدارة الشركة.
مراد : وعمى عارف بكده .
مهاب ضحك بسخرية وقال : لا حلوه دى ...... اذا كان هو اللى طلع القرار ده الصبح ..... ايه محسيتش أن فى حاجه غريبه تحت وانت طالع .
مراد مستحملش طريقة كلامه فخد نفس طويل وخرج من المكتب .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى غرفة ليل ومراد .
ليل كانت واقفه على الشباك بتفكر بالى بيحصل ومراد دخل الغرفه لقيها واقفه على الشباك وراح قاعد على السرير وحط اديه الاتنين على رأسه وليل حست بيه وراحت لعنده وقالت : مراد عاوزه اتكلم معاك شويه .
مراد بصلها وقال : قولى...... انتى كمان عاوزه تسمعيلى كلام زيهم و أن انا اللى غلطان.
ليل : هو انت مقتنع انك انت مش غلطان.
مراد قام من على السرير وقال : انتى بتشكى بقراراتى.
ليل : لو سمحت يا مراد متغيارش الموضوع ...... انت عارف كويس انا بثق فيك قد ايه .
مراد مسك اديها وقال : يبقى خليكى وثقه فيا ومتسالنيش تانى على الموضوع ده واثقى انى مستحيل اخد قرار غلط .
ليل : مراد بس سا.م
مراد قطاعه وساب اديها وقال وهو رايح ينام على السرير : انا عاوز انام .......... مراد راح نام على السرير وسبها وقال : تصبحى على خير.
ليل بستغراب: وانت من أهله.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بعد مرور أربع أيام من التحقيقات مع سامر حديتد المحكمه موعد اول جالسه بعد اسبوعين
فى فيلا الفيشاوي الكل كان قاعد مستنى عز ومهاب يجى عشان يعرفه قرار المحكمة...... عز ومهاب رجعه الفيلا ودخله وسلمى قربت منه وقالت : طمنى ايه اللى حصل .
عز : معاد اول جلسه بعد اسبوعين.
عز بص على مراد بتوعد وراح لعنده وقال : مبسوط صح ...... احب اقولك أن فى معاد الجلسه هثبت برائت سامر وبكره هتشوف.
عز قال جملته وطلع غرفته.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى الشارع على طريق الصحراء.
عربيه الحكومه اللى فيها سامر كانت هتنقله فى قسم........؟ وفاجأة لقيه حواجز حجر سده الطريق الظابط نزل وكام عسكرى والظابط قال : شيله الحجر ده خلينا نعدي ......... العساكر بدأو يشيلوا الحجر بس فى حد رما قنبله مسيرة لدموع ..... الدخان ملى المكان وفى ناس هجمه عليهم ورشه منوم للعساكر والظباط وواحد منهم طلع عربيه الحكومه عند سامر وكان حاطت حاجه على وشه وسامر قال : انت مين .
الراجل ماردش عليه وفتش العسكرى اللى جنب سامر عشان يفك الكلبشات اللى فى ايد سامر ولقى المفتاح فى جيب العسكري وخده وفك الكلبشات ومسكه من أيده وقاله : يلا بسرعه مفيش وقت .
سامر نزل معاه وفى عربيه جات وسامر والرجاله ركبه فيها ولفت ومشيت.
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى كوخ صغير بعيد فى طريق زراعى ...... العربيه وقفت قدامه والرجاله خده سامر ودخله الكوخ وسامر طول الطريق بيسالهم محدش مديله اى رد مفيد ولما دخل الكوخ لقى إن الكوخ كان مفروش وفى كل حاجه اى حد ممكن يحتجها يومياً.
سامر بص على الرجاله وقال : انا هنا بعمل ايه .. وانتوا مين .
وحد من الرجاله شال المسك من على وشه وكان المقدم عادل ...... سامر شافه واستغرب وقال : المقدم عادل .
المقدم عادل : ايوه انا .
سامر : ممكن اعرف ليه جايبنى هنا .
المقدم عادل كان هيتكلم بس قطعه صوت حد من ورا وقال : انا هقولك .
سامر استغرب لما شافه وقال : انت ...........
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انتهى الفصل الاول من الجزء الثاني ❤️
بقلم نسمه احمد❤️
بتمنا يكون عجبكم اول بارت
يا تارا مين اللى ساعد سامر وليه؟
اهبدو زى مانتوا عاوزين😂😂🤝
تعليقات
إرسال تعليق